Þönglabakki.

Þönglabakki er að öllum líkindum landnámsjörð.  Í landnámu stendur stutt og laggott.  "Þorgeir hét maður, er nam Þorgeirsfjörð og Hvalvatnsfjörð."  Þetta er allt og sumt, svo að afar líklegt er að Þorgeir hafi hvorki verið ættstór eða auðugur.

Þönglabakki er kirkjujörðin í Fjörðum, og líklega reist þar á fyrstu öld kristni á Íslandi.  Kirkjan stóð á háum hól rétt fyrir sunnan slysavarnarfélagsskýlið þar sem það stendur nú.  Alla tíð hefur þessi kirkjusókn þótt með þeim allra aumustu á Íslandi.  Prestar hér voru alla jafna sára fátækir og þurftu sumir að leita á náðir fátækrastyrkts þurfandi presta.  Þó ber þess að geta að Þönglabakki var alla jafna besta bújörðin í Fjörðum.

Jörðin fór í eyði árið 1944, en síðustu ábúendur þar voru Jóhannes Kristinsson og Sigurbjörg Guðlaugssdóttir, en þau fluttu til Flateyjar.

Á Þönglabakka voru nokkrar hjáleigur.   Háagerði sem sést ennþá mjög vel móta fyrir tóftum skammt sunnan og ofan Þönglabakka, en fór í eyði 1925.  Suður frá Þönglabakka inni í dal eru tóftir sem heita Bújarðir, sem síðar var notað sem sel.  Loks er Brimnes, lítið kot á nesinu utan Þönglabakka og er talið að hafi farið í eyði í Stórubólu.

Í fjörðum var gefið út sveitablað fyrir tilstuðlan séra Árna Jóhannessonar.  Nefndist það "Dægradvöl" og var handskrifað eitt eintak af hverju tölublaði og fór það eintak bæ af bæ í sveitinni.  Gaman væri að vita hvort enn sé til eitthvað eintak í dag af þessu sveitablaði.

Hluti málverks af Þönglabakka eftir Grím Sigurðsson frá Jökulsá á Flateyjardal

Rústir Þönglabakka stuttu áður en þær voru rifnar

Þönglabakkakirkja var helguð postulunum Andrési og Pétri, Ólafi konungi, Magnúsi Eyjajarli og Nikulási.  Kirkjan sjálf hét Ólafskirkja.  Annexía var í Flatey og mun hún hafa verið Maríukirkja.

Eftirfarndi prestatal er til um þekkta presta á Þönglabakka  Sjá nánar í bókinni "Prestatal og prófasta á Íslandi" eftir Svein Níelsson.