Tindriðastaðir.

Tindriðastaðir eru undir lágum ásum framarlega í Hvalvatnsfirði.  Jörðin fór í eyði árið 1944, en síðustu ábúendur þar voru Guðlaugur Jónsson og Hólmfríður Tómasdóttir.   Hólmfríður var ljósmóðir Fjörðunga svo áratugum skipti.

Framan við bæjarrústirnar er reisuleg göngubrú yfir Fjarðará.

Í göngum um miðja þessa öld gistu vanalega 13 gangnamenn að Tindriðastöðum á þriðja kvöldi.  Þá hlýtur að hafa verið þröngt á þingi.

Greinileg gata liggur skáhallt upp hlíðina frá Tindriðastöðum yfir hálsinn að Þönglabakka í Þorgeirsfirði.

Hluti málverks af Tindriðastöðum eftir Grím Sigurðsson frá Jökulsá á Flateyjardal

Tindriðastaðir eftir 1950